ඉන්දිය සයුරු තෙර ගල් කුළු වලින් වට

සුන්දර කඳු බිමක හෙබි තුරු වියන් වට

ලංකා පටුන දළදා සෑ             වහන්සේට

වන්දන කරන්නෙමි තුන්සිත පහන් කොට

බෙර හඬ නඟ නඟා සත් සමුදුරෙන් ඇදී

පෙරහැර වගේ එන රළ ගෙඩි ගිගුම් දිදී

වෙරළේ හැපී දළදා සෑ රදුන්               වදී

සැරසී සුසුදු පෙනකැටි සළුපටින්      රිදී

නොබැදුන හතර වට වැට කොටු පවුරු බැමි

නොනගුන මහා මැඳුරු සිරි සැප නොවන නිමි 

නොරැඳුන මසුරු මළ පවු වැසි දියට තෙමි 

නොවඳින දෑත් කීම සෑ රදු වෙතට නැමී 

ආර්.ජී ධර්මදාස